Nahum 3
Mwanangĩko Ũtangĩgirĩrĩka Nineve
1 aKaĩ itũũra inene rĩa Nineve rĩrĩa rĩitaga thakame rĩrĩ na haaro-ĩ!Itũũra rĩu rĩiyũrĩtwo nĩ maheeni
na indo cia ũtunyani,
na rĩtiagaga andũ moragĩtwo.
2Rĩ na mwanũko wa mĩcaarica,
na mũrurumo wa magũrũ ma ngaari,
na mbarathi itengʼerete,
na ngaari cia ita ikũrũgarũga!
3 bThigari cia mbarathi irahithũka,
ikahenũkia hiũ cia njora
na matimũ marahenia!
Andũ aingĩ nĩmooragĩtwo,
gũkagĩa na hĩba cia arĩa makuĩte,
na ciimba itangĩtarĩka,
nao andũ makahĩngwo nĩ ciimba icio:
4 cmaũndũ maya mothe marekĩka nĩ ũndũ wa ũingĩ wa merirĩria ma mũmaraya,
ũrĩa ũguucĩrĩirie mũndũ-wa-nja ũcio mũrogi,
ũrĩa watuire ndũrĩrĩ ngombo na ũmaraya wake,
na agĩtua kĩrĩndĩ ngombo na ũragũri wake.
5 dJehova Mwene-Hinya-Wothe ekuuga atĩrĩ,
“Niĩ nĩngũgũũkĩrĩra.
Ngũkũheta nguo ikũhumbĩre ũthiũ.
Nguonia ndũrĩrĩ njaga yaku,
na ngũconorithie mbere ya mothamaki.
6 eNgũgũikĩria gĩko kĩrĩ magigi,
ngũnyarare ũtuĩke kĩndũ gĩa kũmakania gĩkĩonwo nĩ andũ.
7 fArĩa othe magaakuona nĩmakoora makiugaga atĩrĩ,
‘Hĩ, Nineve nĩrĩanange, nũũ ũkaarĩcakaĩra?’
Mũndũ wa gũkũhooreria-rĩ, ingĩmũruta kũ?”
8 gWee-rĩ, ũkĩrĩ mwega gũkĩra Thebesi, ▼
▼Thebesi rĩarĩ itũũra inene rĩa mwena wa rũgongo wa Rũũĩ rwa Nili. No rĩo rĩetagwo No kana No-Amoni.
itũũra rĩrĩa rĩakĩtwo Rũũĩ-inĩ rwa Nili,
o rĩo rĩrigiicĩirio nĩ maaĩ?
Rũũĩ rũu nĩruo rũrĩgitagĩra,
naruo rũthingo rwarĩo nĩ maaĩ macio.
9 iKushi na Misiri nĩcio ciarĩ hinya warĩo ũtangĩathirire;
Putu na Lubimu maarĩ amwe a thiritũ narĩo.
10 jNo rĩrĩ, nĩrĩatahirwo,
na andũ aarĩo magĩthaamio.
Tũkenge twarĩo twatungumanirio,
tũgĩtuĩka icunjĩ magomano-inĩ mothe ma njĩra.
Mĩtĩ nĩyacuukĩirwo andũ aarĩo arĩa maarĩ igweta,
anene othe aarĩo makĩohwo na mĩnyororo.
11Wee nawe nĩũkarĩĩo,
na nĩũkoora, wĩhithe,
wethe kĩĩhitho ũũrĩre thũ ciaku.
12Ciĩhitho ciaku nũmu ciothe ihaana ta mĩtĩ ya mĩkũyũ,
ĩrĩ na ngũyũ iria ciambĩte kwĩrua,
yainainio-rĩ,
ngũyũ ikagũa kanua-inĩ ka mũrĩi.
13 kTarora, mbũtũ ciaku cia ita,
hĩ, ciothe ihaana ta andũ-a-nja!
Ihingo cia bũrũri waku
nĩ hingũrĩre thũ ciaku biũ,
mĩgĩĩko yacio ĩgacinwo na mwaki.
14 lTaha maaĩ ũige, ũgaakorwo namo hĩndĩ ya kũrigiicĩrio,
ciĩgitĩro ciaku cia hinya ũcirũmie wega!
Haarĩria rĩũmba,
kia ndoro,
ũthondeke maturubarĩ.
15 mKũu nĩkuo mwaki ũgaakũniinĩra,
na rũhiũ rwa njora rũgũtemenge ũthire biũ,
rũkũrĩe o ta ũrĩa ũngĩrĩĩo nĩ itono.
Ciaranai ta itono,
mũciarane, mũingĩhe ta ngigĩ!
16Onjoria aku ũmaingĩhĩtie,
makaingĩha gũkĩra njata cia igũrũ,
no mahaana ta ngigĩ iria cianangaga bũrũri,
igacooka ikeyũmbũkĩra.
17 nArangĩri aku matariĩ ta ngigĩ,
anene aku nao nĩ ta mĩrumbĩ ya ngigĩ,
ĩrĩa yũmbaga thingo-inĩ ciaku mũthenya wa heho,
no riũa rĩara, ĩkombũka ĩgathiĩ,
na gũtirĩ mũndũ ũngĩmenya kũrĩa yathiĩ.
18 oAtĩrĩrĩ, wee mũthamaki wa Ashuri, arĩithi aku nĩmakomete;
andũ aku arĩa marĩ igweta nĩmahuurũkĩte.
Andũ aku othe mahurunjũkĩire irĩma-inĩ,
na gũtirĩ wa kũmacookanĩrĩria.
19 pKĩronda gĩaku gĩtingĩhona;
nguraro yaku nĩ ya gũkũũraga.
Mũndũ o wothe ũiguĩte ũhoro waku
arahũũra hĩ tondũ nĩũgwĩte,
nũũ ũtarĩ wahutio
nĩ kĩnyariirano gĩaku gĩtarĩ mũthia?
Copyright information for
KikGKY